ЯҢА ГАИЛӘ ТҮЛӘВЕ: КЕРЕМНӘР ӨЛЕШЕНДӘ АЛУЧЫЛАР КАТЕГОРИЯЛӘРЕ
Бүген дәүләт ярдәме алучыларның керемнәр өлешендәге категорияләрен карарбыз. Яңа ярдәм чарасы бары тик эшләүче ата-аналарга гына каралган. Ягъни мөрәҗәгать итү елыннан алдагы ел өчен керемнәреннән физик затлар керемнәренә салым (НДФЛ) түләнгән гражданнарга.
Мөрәҗәгать итүченең еллык гаилә түләве күләмен алардан чыгып билгели торган керемнәргә керә:
- хезмәт һәм эшкуарлык эшчәнлегеннән, фермер хуҗалыгы (КФХ) һәм шәхси тәҗрибә эшчәнлегеннән кергән керемнәр;
- граждан-хокук шартнамәсе буенча хезмәт күрсәтү һәм авторлык гонорарлары;
- хәрби хезмәткәрләргә, ирекле формированиеләрдә булган гражданнарга, көч хезмәткәрләре һәм аларга тиңләштерелгән ведомстволар хезмәткәрләренә, Россия Федерациясе Милли гвардиясе гаскәрләрендә хезмәт итүче һәм полициянең махсус исемнәре булган затларга акчалата түләү, шулай ук даими характердагы һәм азык-төлек белән тәэмин ителгән өстәмә түләүләр.
Шул ук вакытта сезнең ничә ай эшләвегез мөһим түгел. Күз алдына китерик, сез яшь әни. 2025 елда хезмәт килешүе буенча ярты ел эшләп йөклелек һәм бала табу буенча ялга киткәнсез ди. Димәк, сезнең керемнәрдән 6 ай НДФЛ түләнгән. Шуңа күрә 2026 елның 1 июненнән сез башка шартлар үтәлгән очракта гариза бирә аласыз.
Керемнәреннән НДФЛ түләнмәгән ата-аналар түләүне ала алмаячак. Бу үзмәшгульләр, шулай ук махсус салым режимнарын кулланучы һәм хезмәт эшчәнлегеннән керемнәрнең башка төрләре булмаган шәхси эшмәкәрләр.