АЛАБУГАЛЫЛАРНЫ ТЕРЕ МУЗЫКА КИЧӘСЕНӘ ЧАКЫРАБЫЗ

10 апрель көнне 17: 30 сәгатьтә 1нче Балалар музыка мәктәбендә вокал һәм хор бүлегенең отчет концерты уза. Без барлык теләүчеләрне онытылмаслык, гармония, хис-кичерешләр һәм тере яңгыраш белән тулы кичәгә чакырабыз.

Сезне матур программа көтә, анда классик шедеврлардан алып популяр эстрада композицияләренә кадәр төрле жанрдагы әсәрләр яңгыраячак. Сәхнәдә балалар хоры, вокаль ансамбльләр чыгыш ясаячак.

Концерт вокал сәнгатен яратучылар өчен чын бүләк булачак.

Сезне 10 апрельдә 17:30 сәгатьтә көтәбез. 

Үзегез килегез, дусларыгызны һәм якыннарыгызны үзегез белән алыгыз. Бу музыкаль кичә барыбызны да матур көйләр һәм якты хисләр ташкынында берләштерсен.