БИБЛИОТӨН-2026: АЛАБУГА КИТАПЛАР ДӨНЬЯСЫНА ЧУМАРГА ЧАКЫРА

Хөрмәтле укучылар!

17 апрель 16: 00 сәгатьтә Алабуга китапханәләре барлык әдәбият сөючеләрне ел саен уздырыла торган «Библиотөн‑2026» Бөтенроссия акциясенә кушылырга чакыра.

Сезне бай һәм мавыктыргыч программа көтә:

- әдәби квестлар һәм викториналар;

- сирәк китапларга багышланган тематик күргәзмәләр;

‑ балалар һәм өлкәннәр өчен иҗади мастер-класслар;

- танылган әсәрләр мотивлары буенча интерактив зоналар;

- китаплар белән алмашу;

- уку һәм дусларча әңгәмәләр өчен уңайлы почмаклар.

«Библиотөн‑2026» –  кичне илһам атмосферасында уздыру, үзең өчен яңа китаплар ачу һәм фикердәшләрең белән очрашу өчен менә дигән мөмкинлек.

17 апрель көнне 16:00 сәгатьтә Алабуга китапханәләрендә очрашуга кадәр!