"ЧЕБУРАШКА" ПАРКЫНДА "ЧИСТА УЕННАР" ЭКОЛОГИК КВЕСТЫ УЗАЧАК

15 апрель көнне 14:00 сәгатьтә “Чебурашка” паркында “Чиста уеннар” экологик акциясе узачак. Төрле яшьтәге алабугалыларны уеннарга кушылырга һәм бергәләп шәһәрне чистартырга чакырабыз.

“Чиста уеннар” – ул традицион өмә түгел, ә чүп җыю һәм сортларга аеру буенча команда ярышлары. Катнашучыларны спорт дәрте, артефактлар эзләү, баллар һәм җиңүчеләр өчен кыйммәтле призлар көтә.

Үзең белән нәрсә алырга:

- һава торышы буенча уңайлы кием һәм аяк киеме

- перчаткалар (оештыручылар да аларны бирәчәк)

- яхшы кәеф һәм эшләргә әзерлек

“Чиста уеннар” – вакытны файдалы, күңелле һәм дәртле итеп уздыру өчен менә дигән мөмкинлек. 15 апрельдә 14:00 сәгатьтә “Чебурашка” паркына килегез һәм чиста табигать өчен хәрәкәтнең бер өлеше булыгыз.