"ПРОФЕССИОНАЛИТЕТ"НЫҢ БЕРДӘМ АЧЫК ИШЕКЛӘР КӨНЕ
Алабуга политехника көллияте һәм «Алабуга-Политех» мәгариф үзәгендә Россиянең төрле почмакларыннан килгән мәктәп укучылары һәм аларның ата-аналары өчен Ачык ишекләр көне узды.
Чарада Россия Федерациясенең 50 төбәгеннән 1270тән артык укучы һәм әти-әниләр катнашты. Алабуга политехника көллиятенең 1-2 курс студентлары уку лабораторияләрендә кунаклар өчен һөнәри тәҗрибә күрсәттеләр.
Мәктәп укучылары үз мөмкинлекләрен социаль компетенцияләрне ачыклауга һәм үстерүгә юнәлдерелгән «Бизнес мәче» икътисадый уен-симуляциясе кысаларында сынап карый алды. Аннан соң укучылар һәм аларның ата-аналары үзләрен кызыксындырган сораулар буенча шәхси консультацияләр алдылар.
Бердәм Ачык ишекләр көне «Профессионалитет» федераль проектын популярлаштыруга һәм заманның яңа социаль-икътисадый шартларында яшәргә тиешле яшь буынга киләчәк һөнәрне аңлы рәвештә сайлауга ярдәм итә.