АЛАБУГАДА СТУДЕНТЛАР ЮХИДИ ВӘКИЛЛӘРЕ БЕЛӘН ОЧРАШТЫ
Алабугада Террорчылыкка каршы комиссиянең чираттан тыш утырышы кысаларында агарту очрашуы узды. Анда Алабуга политехник көллиятендә укучы балигъ булмаган укучылар, шулай ук юл хәрәкәте иминлеге органнары вәкилләре катнашты.
Студентлар алдында юл хәрәкәте иминлеге идарәсе башлыгы Дамира Әхмәтвәлиева һәм юл-патруль хезмәте инспекторы, кече лейтенант Екатерина Монасипова чыгыш ясады.
Чара барышында спикерлар яшьләрнең игътибарын юл хәрәкәте кагыйдәләрен үтәүнең төп үзенчәлекләренә һәм мөһимлегенә юнәлтте.
ЮХИДИ вәкилләре тәртип бозуларның хокукый нәтиҗәләрен аңлаттылар һәм иминлек һәр кешенең билгеләнгән нормаларны үтәүгә аңлы мөнәсәбәтенә бәйле, дип ассызыкладылар. Очрашу интерактив рәвештә узды. Төп өлештән соң студентлар кунакларга турыдан-туры сораулар бирү мөмкинлеге алды. Әңгәмә барышында кайбер катлаулы юл ситуацияләрен тикшерделәр.