ҖИҢҮНЕҢ ҖАНЛЫ ТАРИХЫ: АЛАБУГАДА АНАСТАСИЯ ДУДКИНАНЫ ЙӨЗЪЕЛЛЫК ЮБИЛЕЕ БЕЛӘН КОТЛАДЫЛАР
Җиңү көне алдыннан Алабугада 100 яшен тутырган сөйкемле алабугалы Анастасия Евграфовна Дудкинаны хөрмәтләделәр. Ветеранны якынлашып килүче бәйрәм белән хөрмәтле кунаклар Алабуга үзәк район хастаханәсе баш табибы Александр Попов, Һөнәри берләшмә рәисе Румия Резвякова һәм Ветераннар советы рәисе Геннадий Баганов котладылар. Анастасия Евграфовна Бөек Ватан сугышы елларында Җиңү өчен көченнән килгәннең барысын да эшли: көндез урманда хезмәт куя, ә төнлә бар көчен кызганмыйча заводта миналар җыя.
Сугыштан соң да Анастасия Евграфовнаның тормыш юлы вакыйгаларга бай була. Ул 50 ел дәвамында сәгать заводында эшләп, илнең тыныч үсешенә өлеш кертә. Аннары кешеләр турында кайгыртуын дәвам итеп, 12 ел Алабуга хастаханәсендә эшли. Анастасия Евграфовна кебек кешеләр бүгенге көндә тере тарих булып тора. Аларның язмышлары безгә Җиңүнең нинди бәя белән ирешелүен, өлкән буынның батырлыклары һәм фидакарьлеге турындагы истәлекне саклап калуның мөһимлеген искә төшерә.
“Ветеран белән очрашу үз үрнәге белән безне ныклыкка, хезмәт сөючәнлеккә һәм Ватанга мәхәббәткә өйрәткән кешегә чын күңелдән рәхмәт белдерү мөмкинлеге бирде”¸- ди кунаклар.
Анастасия Евграфовна Дудкинаны йөз еллыгы һәм якынлашып килүче Җиңү көне белән чын күңелдән котлыйбыз! Ныклы сәламәтлек, иминлек, күңел җылысы телибез. Сезнең хезмәтегез һәм батырлыгыгыз алдында баш иябез.