АЛАБУГАДА БИЛБОРДЛАРДА ҺӘМ ШӘҺӘР ЭКРАННАРЫНДА БӨЕК ВАТАН СУГЫШЫ ВЕТЕРАННАРЫ ПОРТРЕТЛАРЫН УРНАШТЫРДЫЛАР

Алабугада истәлекле акция башланды. Шәһәр билбордларында һәм электрон экраннарда Бөек Ватан сугышы ветераннарының фотосурәтләре урын алды.

Ветераннарның портретларын шәһәрнең җәмгыяви киңлекләрендә урнаштыру – сугыш елларында Ватанны саклап калган геройларга тирән хөрмәт һәм рәхмәт белдерү, яшь буынга җиңүчеләрнең йөзләрен күрү һәм истә калдыру мөмкинлеге, халыкның батырлыгы турында хәтерне саклап калу һәм аны киләсе буынга тапшыру, тынычлыкның кыйммәте һәм Ватанны саклауда бердәмлекнең әһәмияте турында визуаль искә төшерү ул.