КУЛЛАНУЧЫ ӘЛИФБАСЫ: ТҮЛӘҮСЕЗ МЕДИЦИНА ХЕЗМӘТЕНӘ ЧАКЫРДЫЛАР ҺӘМ КРЕДИТ КИЛЕШҮЕН МӘҖБҮРИ ТӨЗЕТТЕЛӘР. АНЫ НИЧЕК ӨЗӘРГӘ?

Шартнамәне үтәүдән баш тарту һәм акчаларны кире кайтару турында гариза языгыз. Шуны истә тотарга кирәк, сез, шартнамә буенча йөкләмәләрне үтәүгә бәйле хезмәттән теләсә кайсы вакытта баш тартырга хокуклы. Әгәр дә сез бер тапкыр да хезмәттән файдаланмагансыз, бер генә түләүле процедурада да катнашмагансыз икән, бернинди тотып калуларсыз тулы бәяне кире кайтаруга исәп тота аласыз. Асылда тотылган теләсә нинди чыгымнарны башкаручы документлар белән нигезләргә тиеш, шуңа күрә уйланылган сәбәпләр буенча акчаларның бер өлешен тотып калырга аның хокукы юк.

Кулланучылар кредиты шартнамәсе төзелгән банкка кредиттан баш тарту турында (аны рәсмиләштергәннән соң 14 календарь көннән дә соңга калмыйча) гариза языгыз. Сезгә закон тарафыннан “суыну чоры” дип аталган чор бирелгән, шуңа күрә сезнең банкка югарыда күрсәтелгән вакыт эчендә мөрәҗәгать итеп, килешүдән баш тартырга тулы хокукыгыз бар. Үз хезмәтләрен сезгә кредит итеп таккан оешма банкка акчаларын кире кайтарырга тиеш булачак. Шунысын да билгеләп үтәргә кирәк, банк күрсәтелгән ике атна эчендә кредиттан файдаланган өчен процентлар түләүне таләп итәргә хокуклы.

Бәхәсләрне җайга салу мөмкин булмаса, ирекле рәвештә судка дәгъва таләпләре белән мөрәҗәгать итегез.