ЯҢА ЕЛ БӘЙРӘМНӘРЕНДӘ ШӘҺӘР ХЕЗМӘТЛӘРЕНЕҢ ЭШЕ

Яңа ел бәйрәмнәре алдыннан шәһәр хезмәтләренең эше һәм бәйрәм чорында иминлекне тәэмин итү чаралары турында хәбәр итәбез.

. Коммуналь һәм авария хезмәтләре эше

· Торак-коммуналь хуҗалыкның авария хәлендәге бригадалары көчәйтелгән режимда эшләячәк. Инженерлык челтәрләрендәге проблемалар турында үзегезнең идарәче компаниягезгә, шулай ук «Ачык Алабуга» системасы аша 8 (85557) 5-82-22 телефоны аша хәбәр итәргә мөмкин.

· «Гринта» ҖЧҖнең каты көнкүреш калдыкларын чыгару буенча төбәк операторы, 1 гыйнвардан тыш, бәйрәм көннәрендә дщ эшли. Калдыкларны чыгаруга комачауламас өчен халыктан автомобильләрне контейнер мәйданчыклары янында калдырмауларын сорыйбыз. Мөрәҗәгатьләр диспетчерның 8 (937) 576-97-00 телефоны буенча кабул ителә (сәг. 08: 00 дән 14:00 гә кадәр).

. Юл хезмәтләре эше

Кар җыю, юлларны һәм ишегалды территорияләрен бозга каршы эшкәртү эшләре тәүлек буена алып барыла. Махсус техника эшенә комачауламас өчен автомобильләрне машина юлында һәм кар чистарту урыннарында калдырмауны сорыйбыз. Эшләрне оештыру өчен «Төзекләндерү һәм яшелләндерү идарәсе» ҖЧҖ җаваплы. Мөрәҗәгатьләр 8 (85557) 9-90-91 телефоны буенча яисә «Халык контроле» системасы аша кабул ителә.

. Янгын куркынычсызлыгы

Пиротехника һәм электр җиһазларын актив куллануга бәйле рәвештә бәйрәм көннәрендә янгын куркынычсызлыгы кагыйдәләрен үтәргә киңәш итәбез:

 Кабызылган гирляндаларны һәм электр җиһазларын караусыз калдырмагыз.

Түбәндәге мәйданчыкларда рәсми рәвештә пиротехника шартлату рөхсәт ителә:

1. «Шишкин буалары»  территориясе.

2. Мәрҗани урамы, 8 һәм Әйләнгеч шоссе, 35 адреслары яныда ачык территория.

Татарстан Республикасы территориясендә «Пилотсыз куркыныч» һәм «БПЛА һөҗүме куркынычы» махсус режимнары игълан ителгәндә Алабуга районының барлык территориясендә пиротехника шартлату катгый тыела.

. Җәмәгать транспорты эше

Бәйрәм чараларыннан кайтучы халыкка уңайлы булсын өчен, 31 декабрьдә Ленин мәйданыннан 21:00 сәгатьтә шәһәр маршрутлары буенча рейс автобусларының өстәмә хәрәкәте оештырылачак.

. Медицина учреждениеләре эше

Районның медицина оешмалары бәйрәм графигы буенча эшләячәк:

· 31 декабрь, 1, 2, 4, 5, 7, 8 гыйнвар — эш көне түгел.

· 3, 6, 9 гыйнвар көннәрендә амбулатория — поликлиника участокларында кизү торучы табиблар эше оештырылды.

Җәрәхәтләр алган очракта (травмпунктның эшләми торган сәгатьләрендә) ашыгыч медицина ярдәме күрсәтү өчен хастаханәнең кабул итү бүлегенә мөрәҗәгать итәргә кирәк (тәүлек буе эшли).

. Ашыгыч хезмәт телефоннары (тәүлек буе эшлиләр):

· 101-янгыннан саклау һәм гадәттән тыш хәлләр министрлыгы

· 102- полиция

· 103-ашыгыч медицина ярдәме

· 104- газ хезмәте

· 112- коткару хезмәтенең бердәм номеры.