АЛАБУГА МӘДӘНИЯТ ҺӘМ СӘНГАТЬ КӨЛЛИЯТЕ «ИДЕЛ БУЕ ЧЫРШЫЛАРЫ»Н ТӘКЪДИМ ИТТЕ
«Кама» укыту театры каршындагы мәйданчыкта Алабуга районында яшәүче җиде төп халыкның милли колориты белән бизәлгән җиде яңа ел чыршысы урнашкан. Проект – учреждениеләрне иң яхшы бизәү конкурсында җиңүче.
Балалайкалар һәм матрешкалар, түбәтәйләр һәм хәситәләр, бал кортлары һәм курайлар, атлар һәм халык курчаклары, әкият геройлары, республикаларның истәлекле урыннары һәм герблары, флаг төсләрендәге шарлар – барысы да диярлек көллият укытучылары һәм студентлары тарафыннан ясалган. Төрле милләт вәкилләре бергәләп эшләнмәләрне кисеп, буяганнар, тегкәннәр, бәйләгәннәр…
- Киләсе ел безнең илдә Россия халыкларының бердәмлеге елы дип игълан ителде, - диде уку йорты директоры Людмила Рыбакова. - Һәм бу тематикага Алабуга халыкларының: рус, татар, керәшен, мари, удмурт, чуаш, мордва, башкортларның тарихын һәм мәдәниятен, гореф-гадәтләрен чагылдырган «Идел буе чыршылары» проекты бик әйбәт туры килә. Без Татарстанның барлык халыклары вәкилләрен гаиләләре белән 14 гыйнварга кадәр үзебезнең этночыршыга чакырабыз.