«КИТАП СӨЮЧЕЛӘР ИЛЕНӘ СӘЯХӘТ» БИБЛИО-КВЕСТЫ

13 январь көнне Станислав Романовский исемендәге Үзәк балалар китапханәсендә 2 нче урта мәктәп укучылары өчен «Китап сөючеләр иленә сәяхәт» дигән мавыктыргыч библио-квест үткәрелде. Чара башында китапханәче балалар белән үзенең яраткан әкиятләре белән уртаклашты, ә балалар рәхәтләнеп үзләренең яраткан әсәрләре турында сөйләделәр.

Шулай ук Алабуга мәдәният һәм сәнгать көллияте студентлары фантастика һәм маҗара жанрларында Эрин Хантерның «Сугышчы мәчеләр» һәм Холли Веббның «Мэйзи Хитченс» кебек китаплар укырга тәкъдим иттеләр. Аннары яшь укучылар интерактив уенда катнаштылар.

Уен барышында балалар сорауларга җавап бирделәр, җавапларның дөрес вариантларын сайлап алдылар, бу чараны танып белү генә түгел, бик мавыктыргыч та итте.