АЛАБУГАЛЫЛАР ИСКЕ ЯҢА ЕЛНЫ КАРШЫЛАДЫЛАР

Алабугада Шишкин буаларында Иске Яңа елны каршы алдылар.

Иҗат коллективлары популяр Яңа ел һәм кышкы җырларны башкардылар. Тамашачылар артистларның чыгышларыннан ләззәт ала алдылар. Бәйрәм рухы балалар һәм өлкәннәр өчен дәртле биюләр һәм интерактив уеннар белән тулыландырылды.

Программа кысаларында шулай ук конкурслар һәм викториналар узды, аларда катнашучылар үзләренең зирәклекләрен күрсәтә алдылар. Җиңүчеләр бүләкләр алдылар.

4 нче мәхәлләдә дә күңелле бәйрәм узды. Микрорайон халкы яңадан бәйрәм рухына чумды. Иске Яңа елны каршылауга багышланган искиткеч концерт уңайлы шартларда узды.

Матур чыгышлар, яраткан җырлар, бию номерлары күрсәтелде.