ТАТАРСТАННАН МАХСУС ХӘРБИ ОПЕРАЦИЯ СУГЫШЧЫЛАРЫНА ДОШМАН ТЕХНИКАСЫН ЮК ИТКӘН ӨЧЕН ТҮЛӘҮ КАРАЛГАН
Пилотсыз система гаскәрләре хәрбиләре өчен дошманның коралларын һәм хәрби техникасын юк иткән өчен өстәмә түләүләр билгеләнгән. Бүләкләү суммасы биш мең сумнан биш йөз мең сумга кадәр тәшкил итәргә мөмкин. Бу хакта Казандагы сайлап алу пункты офицеры Виктор Никитин хәбәр итте.
Аның сүзләренчә, 1 гыйнвардан гамәлдә булган түләүләрнең яңа системасы контракт төзүчеләргә 2,9 млн сум күләмендә бер тапкыр бирелә торган финанс ярдәмен дә үз эченә ала. Бу сумма Идел буе федераль округы төбәкләре арасында иң югарысы булып тора һәм федераль (400 мең сум), төбәк (2,5 млн сум) акчаларыннан тора.
Ведомствода искәртүләренчә, пилотсыз системалар гаскәрләрендә бер елдан башлап автомат озайтусыз хезмәт итүнең контракт системасы гамәлдә. Операторларны укыту кимендә ике ай дәвам итә, шул ук вакытта компьютер уеннары тәҗрибәсе булган кандидатларның белгечлек үзләштерүдә өстенлекләре билгеләнә.
Гариза бирү өчен республикада 117 нче номерлы кайнар линия ачылды. Тагын да тулырак мәгълүмат сайтта бар: heroes-tatarstan.ru һәм (843) 221-44-52, 8-800-222-59-00 телефоннары буенча.