МИЗГЕЛ ЭСТЕТИКАСЫ: АЛАБУГАДА КЫШ

Метеорологлар фаразлавынча, Татарстанда 24 гыйнварда төнлә һәм иртән температураның сизелерлек түбәнәюе көтелә. Термометр баганалары -25...-30 градуска кадәр төшәчәк, урыны белән -35 граудска кадәр җитәргә мөмкин.

Хәзерге вакытта Алабугада -24 ° градус. Парклар салкын кояш нурлары белән тулган. Агачлар әкияттәге кебек ак юрганга төренгән. Мондый салкыннар соңгы елларда сирәк була. Шуңа күрә әлеге матур мизгелләр белән ләззәтләнергә тәкъдим итәбез.